సీఎం దత్తత గ్రామాల దశ తిరిగింది. మొన్నటిదాకా పాత పెంకులతో..
మట్టిగోడలతో.. ఇరుకుగా ఉన్న నివాసాలు.. ఇప్పుడు పక్కా డబుల్ బెడ్‌రూమ్
ఇండ్లుగా మారాయి! పదీ ఇరవై కాదు.. ఏకంగా ఆరు వందల ఇండ్లు! అన్నీ ఒక్క
తీరులో.. ఎల్‌ఈడీ కాంతులు వెదజల్లే వీధులతో.. వైఫై కనెక్టివిటీతో ఆధునికతను
చాటుతూనే.. ఇంటింటికీ ఒక గేదె, నాటు కోళ్లు.. ఇంటి ఆవరణలో ఫల పుష్పాల
మొక్కలతో తన పల్లె వాతావరణం ఛాయలు కోల్పోని ఒక అద్భుతం.. ఆవిష్కారానికి
సిద్ధమయ్యింది! సీఎం కేసీఆర్ అక్కున చేర్చుకున్న ఎర్రవల్లి.. నర్సన్నపేటలో
ఇప్పుడు పండుగ వాతావరణం వెల్లివిరుస్తున్నది! శుక్రవారం ఉదయం ముఖ్యమంత్రి
కే చంద్రశేఖర్‌రావు చేతుల మీదుగా లాంఛనంగా ప్రారంభమైన వెంటనే.. లబ్ధిదారులు
ఇండ్లలోకి వెళుతారు. సంప్రదాయిక రీతిలో ప్రత్యేక పూజలు, వ్రతాలతో కొత్త
ఇండ్లలోకి వెళ్లేందుకు గృహస్తులు చేసుకుంటున్న ఏర్పాట్లు.. అందుకు
సహకరిస్తున్న అధికారులు.. వెరసి.. ఆ రెండు గ్రామాలు ఇప్పుడు సందడిగా
మారాయి.
దత్తత గ్రామాల్లో డబుల్ బెడ్‌రూం ఇండ్ల గృహ ప్రవేశాలకు సీఎం కేసీఆర్ శుక్రవారం లాంఛనంగా శ్రీకారం చుట్టనున్నారు. 600 మంది బ్రాహ్మణులతో ప్రత్యేక పూజలు, సత్యనారాయణస్వామి వ్రతాలు నిర్వహించబోతున్నారు. ప్రతిఇంటికి పాడి గేదెలు, పది దేశీయ కోళ్లు అందజేస్తున్నారు. ఇంటింటికీ ఐదు ఫల పుష్ప మొక్కలు అందిస్తున్నారు. వైఫై సేవలు.. ఎల్‌ఈడీ విద్యుత్ కాంతులు వెల్లివిరియనున్నాయి. జిల్లా కలెక్టర్ పీ వెంకట్రామ్‌రెడ్డి ఏర్పాట్లను పర్యవేక్షిస్తున్నారు.
రాష్ట్ర ముఖ్యమంత్రి కల్వకుంట్ల చంద్రశేఖర్‌రావు దత్తత గ్రామాలైన ఎర్రవల్లి, నర్సన్నపేటలో పండుగ వాతావరణం నెలకొన్నది. శుక్రవారం రోజున రెండు పడకల గదుల ఇండ్లను లాంఛనంగా సీఎం కేసీఆర్ ఉదయం 7.53 గంటలకు ప్రారంభించనున్నారు. ఎర్రవల్లిలోని ఫంక్షన్ హాల్‌లో సీఎం కేసీఆర్ దంపతులు ప్రత్యేక పూజల్లో పాల్గొంటారు. 600 మంది బ్రాహ్మణుల మంత్రోచ్చారణల మధ్య ప్రత్యేక పూజలు జరుగనున్నాయి. ఆ రోజు రెండు గ్రామాల్లో ఇంటింటా సత్యనారాయణ స్వామి వ్రతాలు నిర్వహించనున్నారు. సకల సౌకర్యాలతో ఏర్పాటు చేసిన రెండు పడకల గదుల ఇండ్లు దేశానికే ఆదర్శం కానున్నాయి. సిద్దిపేట జిల్లాలో సీఎం కేసీఆర్ ప్రాతినిధ్యం వహిస్తున్న గజ్వేల్ నియోజకవర్గంలోని మర్కూక్ మండలం ఎర్రవల్లి, నర్సన్నపేట గ్రామాల్లో పండుగ సందడి నెలకొన్నది. సామూహిక గృహ ప్రవేశ ఆహ్వాన పత్రికలను గ్రామ అభివృద్ధి కమిటీ సీఎం కేసీఆర్, మంత్రి హరీశ్‌రావులకు అందజేశారు.
దత్తత గ్రామాల్లో డబుల్ బెడ్‌రూం ఇండ్ల గృహ ప్రవేశాలకు సీఎం కేసీఆర్ శుక్రవారం లాంఛనంగా శ్రీకారం చుట్టనున్నారు. 600 మంది బ్రాహ్మణులతో ప్రత్యేక పూజలు, సత్యనారాయణస్వామి వ్రతాలు నిర్వహించబోతున్నారు. ప్రతిఇంటికి పాడి గేదెలు, పది దేశీయ కోళ్లు అందజేస్తున్నారు. ఇంటింటికీ ఐదు ఫల పుష్ప మొక్కలు అందిస్తున్నారు. వైఫై సేవలు.. ఎల్‌ఈడీ విద్యుత్ కాంతులు వెల్లివిరియనున్నాయి. జిల్లా కలెక్టర్ పీ వెంకట్రామ్‌రెడ్డి ఏర్పాట్లను పర్యవేక్షిస్తున్నారు.
రాష్ట్ర ముఖ్యమంత్రి కల్వకుంట్ల చంద్రశేఖర్‌రావు దత్తత గ్రామాలైన ఎర్రవల్లి, నర్సన్నపేటలో పండుగ వాతావరణం నెలకొన్నది. శుక్రవారం రోజున రెండు పడకల గదుల ఇండ్లను లాంఛనంగా సీఎం కేసీఆర్ ఉదయం 7.53 గంటలకు ప్రారంభించనున్నారు. ఎర్రవల్లిలోని ఫంక్షన్ హాల్‌లో సీఎం కేసీఆర్ దంపతులు ప్రత్యేక పూజల్లో పాల్గొంటారు. 600 మంది బ్రాహ్మణుల మంత్రోచ్చారణల మధ్య ప్రత్యేక పూజలు జరుగనున్నాయి. ఆ రోజు రెండు గ్రామాల్లో ఇంటింటా సత్యనారాయణ స్వామి వ్రతాలు నిర్వహించనున్నారు. సకల సౌకర్యాలతో ఏర్పాటు చేసిన రెండు పడకల గదుల ఇండ్లు దేశానికే ఆదర్శం కానున్నాయి. సిద్దిపేట జిల్లాలో సీఎం కేసీఆర్ ప్రాతినిధ్యం వహిస్తున్న గజ్వేల్ నియోజకవర్గంలోని మర్కూక్ మండలం ఎర్రవల్లి, నర్సన్నపేట గ్రామాల్లో పండుగ సందడి నెలకొన్నది. సామూహిక గృహ ప్రవేశ ఆహ్వాన పత్రికలను గ్రామ అభివృద్ధి కమిటీ సీఎం కేసీఆర్, మంత్రి హరీశ్‌రావులకు అందజేశారు.
No comments:
Post a Comment