కుమారులు, మాజీ భార్యతో హృతిక్‌ ట్రిప్‌

బాలీవుడ్‌ నటుడు హృతిక్‌ రోషన్‌ తన భార్య సూసన్‌ నుంచి రెండేళ్ల క్రితం విడాకులు తీసుకున్న సంగతి తెలిసిందే. అయితే వీరిద్దరు తమ పిల్లలకు మంచి తల్లిదండ్రులుగా ఉండాలనే ఉద్దేశంతో అప్పుడప్పుడూ కలుస్తున్నారు. ఇటీవల దుబాయ్‌ రెస్టారెంట్‌లో ఇద్దరు కుమారులతో సహా కనిపించిన హృతిక్‌, సూసన్‌ తాజాగా విహారయాత్రకు దుబాయ్‌ వెళ్లారు. ఈ సందర్భంగా బీచ్‌లో దిగిన ఫొటోను సూసన్‌ తన ఇన్‌స్టాగ్రామ్‌లో పంచుకుంటూ.. చాలా సంతోషకరమైన రోజని పోస్ట్‌ చేశారు.
హృతిక్‌ క్రిస్మస్‌ వేడుకలను తన ఇద్దరు పిల్లలతో కలిసి ఫ్రెంచ్‌ ఆల్ప్స్‌లో జరుపుకొన్నారు. ఈ సందర్భంగా మంచు కొండల్లో దిగిన ఫొటోను ఆయన ట్విట్టర్‌ ద్వారా పంచుకుంటూ.. క్రిస్మస్‌ శుభాకాంక్షలు చెప్పారు. నూతన సంవత్సర వేడుకల్లో భాగంగా ఇప్పుడీ కుటుంబం దుబాయ్‌ చేరింది.