దేశ వ్యాప్తంగా ఇంజనీరింగ్ కూ ఒకే పరీక్ష

దేశ వ్యాప్తంగా నీట్ మాదిరిగానే ప్రభుత్వ, ప్రైవేట్ ఇంజనీరింగ్ కాలేజీల్లో సీట్ల కోసం ఒకే ఎంట్రెన్స్ ఎగ్జామ్ ను నిర్వహించాలని కేంద్ర ప్రభుత్వం భావిస్తోంది. దీనిపై ఇప్పటికే హెచ్ఆర్డీ మంత్రిత్వశాఖ అధికారులు అత్యున్నతస్థాయిలో చర్చలు జరిపినట్లు సమాచారం.  ఈ నిర్ణయం అమలైతే అవకతవకలకు ఆస్కారం ఉండే అవకాశం లేదని భావిస్తోంది. ఇంజనీరింగ్ ప్రవేశాల్లో పారదర్శకత వస్తుందంటున్నారు ఉన్నతాధికారులు. ఇంజనీరింగ్ ప్రవేశాల గురించి గతంలో ఎన్నో ఫిర్యాదులొచ్చాయి. ఈ క్రమంలో ఓ పారదర్శకమైన విధానాన్ని తీసుకు రావాలనే లక్ష్యంతో మంత్రిత్వశాఖ ఉందని హెచ్ఆర్డీకి చెందిన ఓ అధికారి తెలిపారు. ఇంజనీరింగ్ ప్రవేశాలకు ఒకే ప్రవేశ పరీక్ష విధానాన్ని ప్రవేశపెట్టాలని హెచ్ఆర్డీ నిర్ణయం తీసుకున్నా… అది 2018 నుంచి అమలయ్యే అవకాశముంది.