పవర్‌స్టార్‌ పవన్‌కల్యాణ్‌
కథానాయకుడిగా కిషోర్‌ కుమార్‌
పార్దసాని దర్శకత్వంలో తెరకెక్కుతోన్న
చిత్రం ‘కాటమరాయుడు’. ఈ సినిమా
కోసం వినూత్నంగా ప్రచారం చేపట్టారు.
కొత్త సంవత్సరం సందర్భంగా శుభాకాంక్షలు
చెబుతూ పవన్‌ పంచెకట్టుతో మాస్‌ని
ఆకర్షించేలా ఉన్న ఓ ఫొటోను బుధవారం
చిత్రబృందం అభిమానులతో పంచుకున్న
సంగతి తెలిసిందే. తాజాగా మరో
రెండు ఫొటోలు కూడా విడుదలయ్యాయి.
త్వరలోనే టీజర్‌ను విడుదల చేయనున్నారు.
శ్రుతిహాసన్‌ కథానాయికగా నటిస్తున్న
ఈ చిత్రంలో శివబాలాజీ, అజయ్‌,కమల్‌
కామరాజు, అలీ, రావు రమేశ్‌ తదితరులు
ప్రధాన పాత్రలు పోషిస్తున్నారు.
నార్త్‌స్టార్‌ ఎంటర్‌టైన్‌మెంట్‌
పతాకంపై నిర్మిస్తున్న ఈ చిత్రానికి
అనూప్‌ రూబెన్స్‌ స్వరాలు సమకూరుస్తున్నారు.
తమిళంలో విజయం సాధించిన ‘వీరమ్‌’
చిత్రానికి రీమేక్‌గా ‘కాటమరాయుడు’ని
తెరకెక్కిస్తున్నారు.
No comments:
Post a Comment