బ్రేకింగ్ : విరాట్ – అనుష్క ఎంగేజ్ మెంట్

మ్ ఇండియా టెస్ట్ కెప్టెన్ విరాట్ కోహ్లీ, బాలీవుడ్ భామ అనుష్కశ‌ర్మ‌ల‌కు ఎంగేజ్‌మెంట్ అయింద‌న్న వార్త షికారు చేస్తోంది. ఇందుకు డెహ్రాడూన్ వేదిక‌గా నిలిచిన‌ట్లు తెలుస్తోంది. ఈ విష‌యాన్ని లైవ్ హిందుస్తాన్ .కామ్ అనే వెబ్‌సైట్ తెలిపింది. తెహ్రీలో ఉన్న అనుష్క త‌ల్లిదండ్రుల‌ను క‌లిసేందుకు విరాట్-అనుష్క జంట వెళ్లిన‌ట్లు ముంబై మిర్ర‌ర్ ప‌త్రిక వెల్ల‌డించింది. కొత్త సంవ‌త్స‌ర వేడుక‌ల్లో పాల్గొనేందుకు విరాట్ త‌ల్లి కూడా అక్క‌డికి వెళ్ల‌నున్న‌ట్లు స‌మాచారం.
ప్ర‌స్తుతం విరాట్- అనుష్క‌లు ఉత్త‌రాఖండ్‌లోని న‌రేంద్ర‌న‌గ‌ర్‌లో ఉన్న ఆనందా హోట‌ల్‌లో బ‌స‌చేస్తున్న‌ట్లు స‌మాచారం. ఎంగేజ్‌మెంట్ త‌ర్వాత వీరిద్ద‌రూ క‌లిసి ఓ పార్టీ ఇవ్వ‌నున్నార‌ని ఈ పార్టీకి బిగ్‌బీ అమితాబ్‌తో పాటు కుటుంబ‌స‌భ్యులు, అనిల్ అంబానీ కుటుంబ స‌భ్యులను ఆహ్వానించిన‌ట్లు లైవ్‌ హిందుస్తాన్ ప‌త్రిక తెలిపింది. ఇందులో భాగంగానే అమితాబ్ బ‌చ్చ‌న్‌, జయా బ‌చ్చ‌న్‌, అనిల్ అంబానీ, టీనా అంబానీలు డెహ్రాడూన్ ఎయిర్‌పోర్టుకు చేరుకున్న ఫోటోల‌ను పోస్ట్ చేసింది.
సోష‌ల్ మీడియాలో అనుష్క పోస్ట్ చేసిన ఓవీడియో హ‌ల్‌చ‌ల్ చేస్తుండ‌టం, వీరిద్ద‌రికీ ఎంగేజ్‌మెంట్ అయిన‌ట్లు వ‌స్తున్న వార్త‌ల‌కు మ‌రింత బ‌లాన్ని చేకూరుస్తోంది. అంతేకాదు ఓ పూజారితో విరాట్ – అనుష్క‌ల జంట దిగిన ఫోటో లీక్ అవ‌డంతో క‌చ్చితంగా వీరిద్ద‌రికీ ఎంగేజ్‌మెంట్ అయిఉంటుంద‌నే వార్త  ప్ర‌చారంలో ఉంది.